गट्ट्या .......(The real story)

पार्श्वभुमी:


गट्ट्या नावाच्या एका मुलाला फार फार शिकुन वेगवेगळ्या डिग्र्या घेण्याचा भस्म्या रोग होतो.
दिसली डिग्री कि घे लगेच...दिसली डिग्री कि घे लगेच..
या सर्व प्रकारात..त्याला प्रत्येकवेळी शिकवणाऱ्या शिक्षकांना प्रचंड टेन्शन येतं. कारण गट्ट्याला शिकवणे म्हणजे पुर्ण कॉलेजला शिकवण्याच्या तोडीचे असते.

शेवटी सगळे कंटाळुन शिक्षण मंत्र्यांकडे धाव घेतात.

पुढचे नाट्य यमक जुळवुन ...........

गट्ट्या
==============================

त्राही माम त्राही माम
म्हणुनी ऐकु आला कल्ला
कुलगुरु सगळे पळत होते
जणु झाला होता हल्ला

प्रिन्सिपल आणि शिक्षक
पळत होते सैरा वैरा
कपडे होते अस्ताव्यस्त
जीवाची झाली होती दैना

शिक्षण मंत्री डोक्याला
लावुन बसले होते अंगठा
प्रश्न पडला होता त्यांना
कसा सुटेल मोठा गुंता

पी.ए. ने त्यांच्या डोके चालवुन
वियोगला लावला लगेच फोन
"आम्हाला यातुन वाचव म्हणाला
फिटणार नाही तुमचे लोन

गट्ट्या नावाचा एक भस्म्या
घेत सुटलाय सगळ्या डिग्र्या
कसे झेलावे, त्याला शिकवावे
डोक्याच्या झाल्यात आमच्या ठिकऱ्या"

वियोग म्हणे "ऐका सल्ला,
दरवर्षी सुरु करा काम
घरपोच पाठवा दोन डिग्र्या
घेवु नका कसलेच दाम"

शिक्षण मंत्री झाले खुष
टळली डोक्यामागची पीडा
नविन नविन डिग्री पाठवु
कुलगुरुंनी घेतला लगेच विडा

जंगी झाली पार्टी मोठी
नारळ वाहीला गेला देवाला
विनामुल्य घरपोच डिग्री
टाकु लागला पेपरवाला

शिक्षक , मास्तर, गुरुजी सगळे
निवांत होऊन करु लागले कार्य
डिग्र्या सगळ्या ठेवण्यासाठी मात्र,
गट्ट्याला... घर घेणे झाले अपरीहार्य


~वियोग

बिच्चारी राखी (Public Demand)

बिच्चारी राखी

---------------------------

एकदा सहज लावला टी.व्ही.
चॅनेल लागला एक निनावी
नाचत होती राखी सावंत
एका गुंडास पडली पसंत
तो ही लगेच .. गेला तिजपाशी
आश्चर्य ती ही.. भ्यायली जराशी

राखी पळाली .. झाला आक्रांत
गुंडही बसला नाही निवांत
साथीदारांस दिधली हाळी
म्हणाला हिच अपुल्या भाळी
धावले सर्व उचलुनी त्याला.
हातात त्याच्या भरलेला प्याला

राखी पळाली इथुन तिथुन
एवढ्यात तेथे आला मिथुन
गुंडाने त्याच्यावर रोखली बंदुक
मिथुनने त्याच्यावर फेकले मंडुक
घाबरुन पडला गुंडाचा देह
तत्काळ सुटला राखीचा मोह

एवढ्यात तेथे आला रजनीकांत
नारी रक्षा हा त्याचाही प्रांत
रजनी ने लगेच गॉगल घातला
मिथुनने वेगळ्या पोजेस घेतल्या
लाथा बुक्क्या आणि मारुन पंचेस
गुंडांची दोघात झाली सँडविचेस

गुंडांचे मग संपले उपाय
पळाले सर्व लावुन पाय
राखीला वाटले हेच खरे हिरो
यांच्यापुढे तर सारेच झिरो
वाटले व्हावे यांचीच नायिका
नकोच ते स्वयंवर.. आणि तो मिका

हसले दोघे.. तिला म्हणाले, आहेस का तु वेडी
नायिका म्हणवुन आमची, काढु नकोस तु खोडी
नायिकांचे वय आमच्या , अठराच आहे रास्त
तुझे तर नक्किच, त्याहुनी केवढे जास्त
राखी उरली एकटी म्हणाली, नशिबच माझे फुटले
नाही तेल नाही तुप, येथे धुपाटने सुद्धा फुटले


~य़ोगेश