शेवटपर्यंत..

शेवटपर्यंत..

================


तु आणि मी..
खरं तर दोन बाजु
एकाच नाण्याच्या..
तरीही का दिसतो ??
भिन्न भिन्न ...

नाणं वर उडवल्यावर..
बदलत राहते बाजु
अधांतरीच
छापा येईल कि काटा
याची लागली असते बोली.
खरं तर छापा किंवा काटा
दोघांची शक्यता जरी समान...
तरी तितकीच अनाकलनीय..
शेवटपर्यंत.

आपण मात्र वाहत राहतो
एकमेकांचे ओझे
एकमेकांच्याच पाठीवर
शेवटपर्यंत..

कारण..
आपल्याला किंमत नाहीच.
एकमेकांशिवाय...
शेवटपर्यंत..
 
~योगेश