दूरदेशी

दूरदेशी
------------------------

पाउस भुलवून नेई , मनास दूरदेशी
भिजुनी वाहवत जाई , तयात ते जळाशी

अभिलाषा या माझ्या , कधी साचलेल्या
शंख शिंपले मोती , पत्थरही वेचलेल्या
भिजुनी वाहवत जाती , भिडलेल्या ज्या आकाशी
पाउस भुलवून नेई , तयांस दूरदेशी ....मनास दूरदेशी

नजरा या माझ्या , कधी बोलणाऱ्या
शुभ्र रंगीत कोडी , नितळही वाचणाऱ्या
भिजुनी वाहवत जाती , थांबलेल्या ज्या फुलांशी
पाउस भुलवून नेई , तयांस दूरदेशी ....मनास दूरदेशी

~वियोग