रंग

मावळतीचे आकाश केशरी , केशरमय झाले
आकाशाच्या रंगपटावर , सप्त धनुही  अवतरले

बर्फाच्छादित शिखरेही हा , रंग साठवीत होती
गिरीराजाच्या खांद्यावरती , निर्झर झुलवीत होती

नभातली हि मुक्त उधळण , धरणी पाहत होती
कोसळणाऱ्या निर्झरासही ती , कवेत घेत होती

मावळतीचा हा नूर पाहुनी , पाखरे परतत होती
घरट्यात जाउनी पिलांस , अपुल्या बिलगत होती

एक अनामिक सुगंध , वाऱ्यावर पसरत होता
शिणलेल्या झाडांच्याही , पापण्या मिटवित होता

दूर तेथुनी त्यावेळी मी , काचपेटीत बंद होतो
बंद असूनही त्या चित्रातला , मी ही एक रंग होतो

~योगेश